კლუბის პრეზიდენტის განცხადებით, „საბურთალომ “ თავისი მისია შეასრულა

თბილისის საფეხბურთო კლუბ „საბურთალოს“ ხელმძღვანელობა გეგმავს გუნდს სახელი გადაარქვას და „იბერია 1999“ უწოდოს, განაცხადა კლუბის პრეზიდენტმა ტარიელ ხეჩიკაშვილმა ტელეკომპანია „იმედის“ ეთერში.

კლუბი „საბურთალო", რომელსაც სახელი თბილისის ერთ-ერთი რაიონის პატივსაცემად ეწოდა, 1999 წლის 20 აგვისტოს დაარსდა. გუნდმა ეროვნული ლიგის 2023 წლის სეზონი მეექვსე ადგილზე დაასრულა.
„მარკეტინგულადაც დავინახეთ, რომ ევროპულ ბაზარზე „იბერია“ უფრო ჟღერს. არც ის გვინდა, რომ გულშემატკივარი მხოლოდ ერთი უბნის კუთვნილების გამო შევზღუდოთ", - განაცხადა ხეჩიკაშვილმა.

მისი თქმით, ერთადერთი შეფერხება მდგომარეობს იმაში, რომ მეოთხე ლიგაში თამაშობს კლუბი „იბერია 2010“ და ამიტომაც, აღრევა რომ არ მოხდეს, „საბურთალოს“ დაექმევა არა უბრალოდ „იბერია", არამედ „იბერია 1999“.

„სახელის გადარქმევაზე ფეხბურთის ფედერაციის აღმასკომმა იმსჯელა და თუ დადებითი პასუხი იქნება, ახალ ჩემპიონატში უკვე „იბერია 1999“-ის სახელით ვითამაშებთ და ევროთასზეც ამ სახელით გამოვალთ", - განაცხადა ხეჩიკაშვილმა.

2018 წელს „საბურთალო" საქართველოს ჩემპიონი გახდა.